22.3.12

Le Supervivente

Impossibile componer un poema in iste stadio del evolution del humanitate. 
Impossibile scriber un poema – un linea qual sia – de ver poesia.
Le ultime trobador moriva in 1914.
Ille habeva un nomine le que nemo plus rememora.

Il ha machinas terribilemente complicate pro le necessitates plus simple.
Si tu vole fumar un cigarro, preme un button.
Jachettas buttona se per electricitate.
Amor se face per le sin-filo.
Il non es necesse stomacho pro le digestion.

Un sagio declarava a "Le Jurnal" que ancora manca
multo pro nos attinger un nivello acceptabile de
cultura. Ma usque illac, felicemente, io va esser morte.

Le humanos non se ameliora
e illes occide se como cimices.
Le cimices heroic renasce.
Inhabitabile, le mundo es cata vice plus habitate.
E si le oculos reapprenderea plorar, il esserea un grande diluvio.

(Io suppone que io scribeva un poema.)

Carlos Drummond de Andrade, poeta brasilian, (1902-1987).

No comments:

Post a Comment